Thursday, March 29, 2007

اوعى وشك

واحد راح يشتري عربية .لقى كل العربيات غالية عليه.بعدين لقى عربية قديمة و عليها تراب كتير بس سعرها مناسب.صاحب المحل قال له العربية دي فيها ميزة هايلة.بص كدة ..وقام مسح بإيده التراب اللي عليها قام طلع منها عفريت .قال له :شبيك لبيك تطلب إيه؟ قال له هات شاي للبيه حالاً..في لحظة كانت كباية الشاي قدام الراجل .قام اشترى العربية فوراً و ساقها و طلع بيها على حتة أرض فاضية و قام نزل و مسح التراب اللي علي العربية. قام طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب تنس و..... قام العفريت قال حيلك حيلك إنت فهمت غلط .. أنا شاي و قهوة بس

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!


الراديو: والاعب بيشوط بمشط رجله يااااااااااه بتيجى في المقص صبي الحلاق:إلحق يا معلم بيلعبوا في العدة

واحد كان ماشي في الشارع بيقول حماتي حماتي.... واحد معدي بيقوله مالها حماتك؟؟ قال له الحمار رفسها ماتت ، قاله كل الناس دي جاية تعزي في حماتك؟؟ قاله لأ دول جايين يشتروا الحمار

واحد قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي

غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو. الباب خبط. مين. افتح بوليس. راح مقطع الخمسين جنيه بتاعة البانجو

بخيل راح عشان يتجوز ابو العروسة بيقولوا احنا عايزين مهر عشر تلاف جنية البخيل قاله: ايه عشر تلاف جنية ده انا معروض عليا باألفين وحامل كمان؟؟؟

8 comments:

ذكريات said...

ma7zoozzaaa begad elmaraa de shewayet nokat fe el goal webesara7aa ana nefsy bardo ashtery el7omar dah le 7amat wa7ed sa7by

يا مراكبي said...

جامدة قوي بتاعة الخمسين جنيه بتاعة البانجو

يا ريت تستمري أكتر من كده

مهندس زراعي said...

تمام يا محظوظه تمام قوي ربنا يبارك فيكِ

قلب أبيــض said...

دعوة لزيارة مدونة عاوز اتجوز
هتعجبكوا اكيد
ننتظر مشاركاتكم

بنت البلد said...

ههههههههههههه

يسلموا

رائعة النكت

david santos said...

Hello!
This work is very good. yhank you
have a good day

SomeOne said...

ههههههههههه
ههههههههههههه
هههههههههههه
هههههههههه
هههههههههههه

ايه الجمال ده

طب انتي حتلحقي عينا نكت منين بقى

؟؟

يلا ورينا شطارتك

:)))

mohand said...

السلام عليكم
هههههههههههههههههههههههههههههههههههههههههههههههههههههههههههههههه

لا بجد شوية نكت جامده
عجبوني قوي
عمل رائع يا محظوظه