عريس فى اول ليله جواز
عندما يكون العريس فى قمة الفرفشة
فى الصباحية وفى قمة أول صباح جميل والعريس لسة فى قمة البحلقة والرومانسية والغليان الدموى التاجى النابع من القلب الفاتح للدنيا كل الأبواب والدنيا ربيع والجو بديع ولسة فى الصبحية يعنى لسة فى قمة واسعة منك شويا.
 |
| عريس فى اول ليله جواز |
عريس فى اول ليله جواز
الجواز فى الأول بيكون جميل ومشاعر وزهور وبساتين وجنة وبحور وكلام من القلب للقلب رسول حاجة تشرح القلب كدة وتدى أمل فى الحياة, اية الدنيا لسة بخير وكلنا نتمنى يفضل كدة بس دوام الحال من المحال.
فى الصباحية عندنا غير عندكم
هيا الصباحية واحدة عند كل الناس ولا بتختلف من بيت لبيت ومن حارة لحارة ومن ثقافة لثقافة ومن بلد لبلد, أكيد بتختلف حسب حاجات كتير, دة لسة امنبارح خبر بيقول عريس يزبح عروستة فى الصباحبة, أصلها نسيت تقول لية صباح الخير.
دة حتى قبل الصباحية
الأيام دى مولد فى حكاية الجواز وليالى الأفراح والجو الملاح, يعنى فى فرح من أفراح الخير واللمة الحلوة عروسة عملت فجأة مشهد غريب دخلت القاعة وهيا لابسة مايوة ومعاها بوكية ورد للعريس اللى من كتر الصدمة طلق فى صمت.
- حاجة غريبة مايوة فى الفرح
- ممكن تكون العروسة كانت سكرانة
- ولا ممكن تكون أفتكرت أنها داخلة بيتها
لو فضلت تفكر فى الموضوع
أحتمال تجنن من الصدمة لو فضلت تفكر فى الموضوع والمشهد الغريب اللى صدم العريس والغريب قبل الحبيب, عروسة بالمايوة فى قاعة فرح مصيبة وكارثة بالنسبة لناس,أيوة ماهو كان فية ناس بتقول واية يعنى بلاش تخلف ورجعية.
- يعنى الموضوع حلو وحش
- رجعية وتخلف وتحضروحداثة
- وممكن يكون موضة مقبلولة
العريس هنا حاجة فى الجون
فى أول يوم فى الصباحية صحى قبل العروسة وحضر ليها الفطار والشاى , لا وأية كمان جاب الفطار لحد عندها على السرير, دة كمان قبل كدة جاب ليها المية والصابون عشان تغسل وشها كان ناقص يجيب ليها الحمام ما هو دة اللى ناقص.
تحس أنها أوفر شويا ولا كتير بس حاجة حلوة جميلة لسة بقى عريس جديد ممكن حاجات زى دى واكتر, ما هو أول الجواز حبهان والنص قرفة وفى الاخر بصل كمان.
بعد جو الرومانسية حصل تحول
العريس بعد ما عمل كل حاجة واى حاجة للعروسة قعد جنبها وقال ليها اية رايك ياحبيتى فى جو الرومانسية دة, قالت حلو ياقلبى ربنا يخليك ليا, قام العريس مسك ايدها وبسها كمان وقال ليها وهو مبتسم عايزك بقى من بكرة تعملى نفس الحاجة ليا.
فى الختام
الجواز حلو لو حابين يكون حلو ومش حلو لو حابين الموضوع يعتمد على الحب اللى المفروض بيجمع بين الطرفين, ما هو مفيش حد عاقل يجوز من غير حب أو على الاقل أضعف الايمان يكون مرتاح للطرف التانى.
 |
| عريس فى اول ليله جواز |
التسميات
أضحك من قلبك
أزال المؤلف هذا التعليق.
ردحذفههههههههههههههههه
ردحذفوانا أقرا
أقول بقلبي
" يا سلام ياليت ربي يرزقني بواحد نفسه "
لكن يوم وصلت للسطر الأخير
قلت
مش عاوزين :>
شكرا لج على البوست الحلو
هم كلهم كدا
ردحذفحلوين أول يوم بس
مدونه كلها خفت دم
عجبني موضوع الصعيدي
والبياع
ضحك عليها هههههههه
ردحذفشكر محظوظة على البوست
تحياتى