أزى تخلى البنات تقولك يا عمرى

نفسك البنات تقولك يا عمرى

شباب كتير وخصوصا فى فترة المراهقة بيحب يقرب ويتعرف من البنات زى ما بيكون العكس بالظبط ودى فترة تحول جسديا ونفسيا وعمل شخصية تحاول الخروج من دور الطفولة إلى دور الرجل الكبير أبوشنب.

أزى تخلى البنات تقولك يا عمرى

فى المرحلة دى كل طرف بيتحول وبيحصل لية تغيرات كتيرة وبيكون عايز يثبت نفسة مش مهم يكون الطريق أو تصرفاتة غلط المهم يثبت نفسة وبس تعالو بقى نعرف أزى نخلى البنات تقولك ياعمرى بكل سهولة.

بداية الخطة الكبيرة

أول حاجة بلاش دور الرومانسى والحبيب دة بجد راحت علية الايام دى وحركاتة وتصرفاتة بتكون مفقوسة ومش بتجيب أى نتيجة, وبلاش تكون كداب كبير وتقول عن نفسك حاجات مش موجودة لان مسير الايام مهما تطول هيبان كذبك وشكلك هيكون وحش اوى.

لازم تكون صادق مع نفسك قبل غيرك
لازم تعرف أن دة مجرد مرحلة وتعدى
بكرة هتعرف وعنيك تفتح وتشوف صح

بلاش تبعت رسايل كتير

بلاش حكاية تفضل تبعت ليل ونهار فى رسايل وكلام حب وغرام ونبى كلمينى ردى عليا, البنات بتشوف كلامك وبتضحك علية عشان عارفة أنها مجرد رسالة مطبوعة وسيادتك بتوزعها على كل حساب بنت يمكن تضرب مع واحدة وترد.

كل دة كلام فاضى مالوش لازمة
أنت كدة بتضيع وقتك على الفاضى
ومهما تعمل مش هتوصل لحاجة تفرحك

طيب ازى تخلى كل البنات تقولك ياعمرى

الموضوع بسيط ياحلاوة من غير ما تبعت رسايل وتحط صورة توم كروز وتعمل فيها شجيع السيما, لازم تشغل دماغك خلى حسابك اسمة ياعمرى, شوف بقى كل بنت واى حد هيكلمك هيقولك ياعمرى حلوة دى.

هترضى نفسك وترضى عليك

وبالطريقة دى هترتاح وتريح دماغك بقى من هسس البنات دة اللى هيفضل شاغل دماغك فى المرحلة دى من عمرك, والافضل اشغل نفسك بحاجة مفيدة , العب رياضة, أمسك كتاب يمكن تفهم حاجة وتكون فى المستقبل حاجة.

الحياة مش بنات وحب وبس

الحياة أكبر من كدة بكتير وكل ساعة ويوم يمر عليك هتتعلم حاجات كتير وهتشوف العجب فى حياتك فبلاش ونبى تزنق نفسك فى حارة واحدة وغالبا بتكون سد وأحيانا اليومين دول بتكون أستغلال ياعمرى.

فى الختام

اهتم بنفسك وبحياتك وأضحك من قلبك ياعمرى, وشوف من بعيد واتعلم وكون شخصية وليك أهداف مفيدة تكون ليك سند فى الحياة وغير من نفسك دايما ولما تقع قوم حاول تانى الكل على هذا الحال ياعمرى يقع يقوم يوصل يكون.