فرفشة ناس متزوجة اخر روقان

سكة الجواز يمين او شمال

حتى الناس المتزوجة طلع عليهم نكت كتير, بس اغلبية النكت بتمشى فى سكة الشمال المقصود يعنى الخيانة عدم الراحة, الواحد كان مبسوط وسعيد قبل الجواز بعدها بقى الحال مش تمام والروح تملى هربانة منى.

فرفشة ناس متزوجة اخر روقان

فرفشة ناس متزوجة اخر روقان

• الزواج راحة واستقرار
• المهم  نعرف كويس نختار
• عشان الفرق كبير بين الجنة والنار

شاب ماشى مع خطيبتة

شاب ماشى مع خطيبتة واخر سعادة وفرفشة, الشاب سأل خطيبتة تعرفى اية هو الحب واية هو الجواز؟ فردت علية لا مش عارفة ام قال ليها الحب زى النجوم الجميلة اللى فى السماء اما الزواج هو الحفرة اللى بنقع فيها وأحنا بنبص على النجوم.

هو بجد الجواز حفرة

هو بجد الجواز حفرة, طيب لو كان حفرة ياترى هيا حفرة السعادة والفرفشة ولا حفرة الحزن والتعاسة, طيب اية اللى يحدد نوع الحفرة غير الطرفين الزوج والزوجة العلاقة بين الطرفين هيا اكيد اللى هتحدد نوع الحفرة.

زوج وزوجة وعقد جواز

زوج عمال ماسك عقد الزواج وعمال يبص فية من فوق وتحت زى ما يكون فية حاجة مهمة بيدور عليها فى العقد, شافت الزوج حيرة الزوج وانشغالة بالبص كتير فى عقد الزواج ام قالت مالك حبيبى بتدور على اية فى العقد ام قال ليها بدور على تاريخ نهاية العقد

ياترى لية الزوج  بيعمل كدة

الزواج كلنا عارفين بيكون فية عقد او ما يطلق علية القسيمة اللى مكتوب عند المأزون وقت كتب الكتاب وطبعا كلنا عارفين ان عقد الزواج بيكون لية تاريخ تسجيل وليس لة تاريخ نهاية, طيب هيا النكتة اية الهدف منها شغل مخك وفكر.

الزوج قاعد فى الصالة

الزوج قاعد فى امان الله وماسك الجرنال ونازل قراية جت الزوجة وقامت ضربة الزوج بغطى الحلة فى دماغة. بص ليها الزوج  مالك ياحبيتى فية اية قالت لية مين سوسو دى اللى مكتوبة وفى ورقة جو هدومك, ياحيبتى دة اسمك الحصان اللى كنت براهن علية

كلم بقى الحصان

رجعت تانى الزوجة بعد شويا وقامت ضربة جوزها تانى بغطى الحلة, بص ليها مالك بقى النهاردة. قامت بصة لية بصة غضب وقامت رامية الفون فى دماغة ومشيت وهيا بتقول كلم الحصان ياقلبى.

أرجع زى زمان

النكتة دى بتفكرنى بفيلم عفريت مراتى بطولة صلاح زو الفقار وشادية لما كان فى مشهد من الفيلم جاى لية اتصال وردت شادية وقال ليها قولى لجوزك يرجع زى زمان  او نحط السيخ المحمى فى صرصور ودنة.

هنا فعلا الزوج رجع زى زمان

هنا الزوج بتتدلع على جوزها وبتقول لية أهدى حبيبى كدة وأجع زى زمان الزوج ما صدق وقام مطلقها ورجع زى زمان ايام العزوبية.

فى الختام

وطبعا النكت كتير ومش بتخلص اهم حاجة نعرف وندرس النكتة كويس ونحاول نخرج بسبب وهدف معين تهدف لية النكتة عشان يوصل لينا بلاش نعدى على النكت بدون تشغيل الدماغ واضحك من قلبك

فرفشة ناس متزوجة اخر روقان