الديناصورات بتاعة زمان كانت بتروح المصيف زينا

الجو حر يا اخويا  على الكل

بيقولك ان الموضوع كان عن دراسة اثبت ان سلوك الديناصورات  اللى بـتأكل النبات فى العصر الجوراسى كانت لما بتحس با الحر كانت بتخد بعضها وتهاجر الى مناطق فيها ماء وهواء نضيف عشان مش  بتقدر  تتحمل حر الصيف وخلى بالك دى النوع بتاع النبات مش المفترس التانى بتاع اللحمة

الديناصورات بتاعة زمان كانت بتروح المصيف زينا

الديناصورات بتاعة زمان كانت بتروح المصيف زينا

الهجرة ومينا الأسنان

والعلماء قالت الكلام دة عن طريق المينا بتاعة سنان الديناصورات ودى فى العلم الحيوانى عبارة عن سجل جيولوجى للحيوانات بيتعرف منة كل شىء عنها من اسلوب الحياة والاكل والشرب دة كمان ياعم اتعرف كمان انهم كانو بيرحو المصيف والله مينا سنان بنت حلال واللى عن طريقها كمان اتعرف امتة كانت بتشرب فى الموطن الاصلى وامتة كانت مهاجرة بتصيف

رحلة 300 كليو متر

التحليل كمان كشف عن المكان بالظبط اللى كانت بتروح لية الديناصورات وهو كان فى الأماكن المرتفعة الجبلية عشان وجود الماء والخضرة واكيد الوجة الحسن. وكانت المسافة بتخد منهم 300 كليومتر ماشين طبعا قمال راكبين طيارة يخدو  الوقت فى المصيف براحتهم وبعدين ترجع تانى نفس المسافة الى بلدها الاصلى الغربة صعبة

الهجرة كانت سنوية

بيقولك العلماء ان الهجرة دى كانت سنوية كل سنة مش بقولك زينا بالظبط فى الركن دة احنا كمان بنصيف كل سنة. وان موضوع الهجرة ايضا مرتبط بالمصيف والبعد عن الحر واحتمال الزواج عند البحر عشان الحر بيقولك بيكون صعب وكاتم عليهم ومطلع عنيهم  فرحلة الهجرة بتكون فرصة لشم الهواء النظيف على البحر

فى الختام

والله حاجة حلوة العلم نور حيوان مات من الاف السنين والعلماء بتقدر بالبحث تجيب كل حاجة عن حياتة كاملة التفاصيل والمعالم فعلا العلم نور وطريق مفيد طويل لكن مهم فى حياة كل انسان