مش معاك الكرت : ورينا عرض اكتافك

عندما تكون الوسطة طريق النجاح

 تفضل سنين تدرس وتكافح ولما تيجى تتخرج تدور على وظيفة دة الطبيعى لكل انسان, وتفضل تدور وتدور وتدوخ السبع دخات ولما تجد وظيفة مناسبة ويجى وقت المقابلة تجد أنك مش عايزين منك خبرة ومعرفة عايزين حاجة تانية.

مش معاك الكرت : ورينا عرض اكتافك

مش معاك الكرت : ورينا عرض اكتافك

 

كان فية نكتة عن الموضوع

 

المهم الرجل اتقدم للوظيفة ودخل المقابلة ونزلت الأسئلة على دماغة زى المطر سؤال فى ظهر سؤال والرجل بقى بما أنة دارس وفاهم كان كل الأجوبة بتتطلع صح, ودة كان محير بتوع المقابلة.

 

ولما أتسال كتير والأجابة صح

 

كان الرجل قاعد والقلب مطمن بقى ما هو كل الأسئلة جاوب عليها شرح وتفسير وضع برهان وأدلة لما حير بتوع اللجنة, اللى كانوا مبسطوطين بية جداا والأبتسامة على الشافيف طول المقابلة.

 

وفى عزاحساس النجاح

 

الرجل كان من جواة خلاص هيخد الوظيفة أو وعد وأنتظر تليفون, لكن واحد من بتوع اللجنة قال لية انت مشاء الله نابغة وشاب فاهم وناجح وعبقرى, الرجل العفو يافندم, بتاع اللجنة أبدا يا ابنى دة الواقع بس فية سؤال أخير.

 

السؤال الأخير والحزن الكبير

 

الرجل بكل ثقة أسال يافندم, شوف يا ابنى زى ما قولت ليك انت عبقرى وكل دة كويس بس ياترى معاك كارت واسطة من حد, رد الشاب لا يافندم انا بعتمد على خبرتى وعلمى فى مجالى وبشهادة حضرتك مش أنا بتاع الواسطة.

 

رد علية بتاع اللجنة كويس يا ابنى بس هنا عشان تشتغل لازم يكون معاك كارت الواسطة والتوصية من حد كبير, غير كدة انت شرفتنا ونتمنى لك النجاح والتوفيق, قال لية مش معايا , طيب وربنا عرض أكتافك اللى بعدو.

 

الكارت ولا العلم والخبرة

كارت الواسطة أو التوصية مهم فى أماكن كتير من الشركات التى تعتمد على خبرة وعلم الموظف بل على كارت الواسطة والتوصية وجاى تبع مين, لكن فية شركات العلم والخبرة أهم ولو أتجمع الأثنين حلويات دنيا بقى.

 

فى الختام

 

على راى المثل لايأس مع الحياة أفضل دور على وظيفة وان شاء الله تجدها وتفرح بيها بعلمك او خبرتك , او بقى شوف عمل حر ناس كتير أشتغلت ونجحت فية, ولو المادة ضعيفة أشتغل اى حاجة لحد ما تجمع قرش وتفتح مشروعك.

مش معاك الكرت : ورينا عرض اكتافك