تليفزيون الاحلام وعقل مش تمام

عقل سليم وحلم غريب

فين أيام التليفزيون المربع  بتاع زمان صندوق الخشب أبو أريل هزاز كنا نتفرج علية بليل وننام تيجينا الاحلام راكبة حصان وترمى السلام وتخدنا فى بحورها لحد ما يجى النهار والشمس تتطلع ونورها يغطى كل الكلام.

تليفزيون الاحلام وعقل مش تمام

تليفزيون الاحلام وعقل مش تمام

ونبتدى الحكاية من هنا

واحد انسان شكلة غريب حركاتة غريبة بس انسان, راح يشترى تليفزيون البياع أول ما عينة جت علية حصلت لية صدمة ورغبة فى عدم البيع للشخص الغريب دة رغم ان الرجل الغريب معاة فلوس وهيدفع لكن نقول اية.

لما الغريب  بقى زعلان

لما الغريب جالو صدمة  هو كمان من رفض البائع انة يبيع لية التليفزيون وكان بيضرب كف على كف وبص لنفسة فى المرايا وقال يمكن خاف من الجلبية وشكل الطاقية, فقرر انة يمشى ويروح يغير اللبس وشكلة عشان يعرف يخد التليفزيون.

ولما رجع الغريب من تانى

ولما رجع الغريب للمحل من تانى بعد ما غير  من شكلة  وغير الجلبية والطاقية اللى كانت من رأية خايف منها البياع ورفض يبيع لية عشان كدة دماغة مشفرة على كدة, ولما شافة البياع رفض يبيع وقال لية امشى يا ابو طاقية.

غير من تانى شكلة بشكل جديد

وراح تانى لنفس المحل ونفس البياع ما هو دماغة صرمة قديمة والجو قفل معاة ولازم يشترى التليفزيون دة, ولما تانى شافة البياع رفع حاجب ونزل حاجب وبص لية بصة تخوف وقال لية مش  هبيع ليك ولو عملت أية يا ابو طاقية.

الرجل الغريب قرب يتجنن

وفضل ماشى فى الشوارع ويكلم نفسة وهو بيعرفنى كل مرة ازى رغم انى بغير هدومى وشكلى ولية فى الاساس مش راضى يبيع ليا التليفزيون رغم انى هدفع لية وبزيادة كمان دة غير الاكرامية, انا لازم اروح هسالة بيعرفنى ازى.

ولما راح الغريب للبياع

راح لية وهو بالجلبية والطاقية وشكلة الطبيعى وقال لية , أسمع بقى مش عايز تبيع ليا التلفزيون انت حر بس لازم اعرف انت ازى كنت بتعرفنى رغم انى بغير فى كل مرة شكلى وهدومى.

• بص لية البياع اسمع هقولك
• الموضوع ممكن يكون احساس
• لكن الاهم ان دة غسالة مش تليفزيون
• فهمت يا ابو طاقية ولا لسة

ومشى الغريب فى سكوت

وعرف انة كان غلطان بس ازى كنت بشوف الغسالة تليفزيون معقول يكون عندى عمى ألوان ولا دى احلام وانا جو الحلم لسة موجود والليل طويل شىء يجنن لازم استنى تحت الشجرة افكر يمكن اوصل لحل او اجابة.

فى الختام

ياترى تفتكر اية الحكاية والفكرة اية فى الموضوع معقول يكون دة واقع موجود ولا حلم ورجل لسة نايم فى  البلون لازم نفكر مع الغريب ونشغل الدماغ ونحط كل الاحتمالات واللى يوصل لحل يبعت لى رسالة على التليفزيون يؤ قصدى على البريد وأضحك من قلبك

تليفزيون الاحلام وعقل مش تمام