Wednesday, November 14, 2007

طلبات البنات اللي تجيب الضغط


الالف : إتصرف وهات لي فلوس حالا 00 أنا معزومة مع صحباتي في النادي 00 خلص نفسك يللا !!((إنت غيرتِ 0 ماكنت بتقعدي على الترعة ))




الباء :بكره عاوزاك تيجي معايا عند مامي 00 وهات معاك هدية لمامي بمناسبة عيد ميلادها



التاء :تعرف إن أنا اليوم تعبانه على الآخر 0 روح المطعم وهات لنا عشاء بسرعة ((وإمتى أنا رجعت ولقيتك عامله عشا ))



الثاء :ثلاث اسابيع مارحناش عند إخواتي 00 إنت عاوزهم ياكلوا وشي(( ياريتهم ياكلو وشك علشان أخلص منك ))



الجيم :جيب خدامه تساعدني في شغل البيت زى صحباتي 00 هما مش أحسن مني (( على فكرة البيت غرفتين وصالة 0))


الحاء :حبيبى إنت ياقمر 00 شفت أوضة نوم تجنن عند البت شوشو صاحبتي 0هات لي واحدة زيها 00 والنبي ياكتكوتي 0 متكسفنيش (( بقالنا سنة بس متجوزين ))



الخاء :خليك من السرمحة طول اليوم مع أصحابك 00 أنا عازماك النهارده على حسابك ياجميل(( ابقى قابليني لولقيتي في جيبي جنيه واحد ))



الدال :دور لنا على شقة واسعة شوية 00 أنا اتخنقت من الشقة الضيقة دي 00 مبعرفش أقابل صحباتي فيها (( منين ياحسرة 00مرتبي يدوبك يأكلنا عيش حاف ((



الذال :ذكي إبن خالتي اشترى سيارة صغيرة لمراته 00 إنت مش ناوي تتلحلح وتعمل زيه (( الأستاذ ذكي كان مسافر الخليج ))


الراء :روح شوف شركات بيع الأجهزة الكهربائية عاملين عرض على بيع المكيفات 00 هات لنا واحد 0 أنا تعبت من الحر كل سنة (( الست هانم كانت عند أبوها بتنش بمروحة ورق ))



السين :سايب أمك طول النهار تناكف فيّ 00 أمك بتعطلني عن شغل البيت 0 شيل يللا هدومك وإغسلها في أى مغسلة ياتشوف لنا صرفة في أمك دي (( كل اللي عندي بنطولنين وقميصين وجلابية ))



الشين :شيل الولد شوية عني 00 طول النهار نازل عياط 0 أنا تعبت من تربية العيال (( عندنا ولد واحد ))



الصاد :صباح الخير ياحلو 00 اصحى بأه علشان تجيب لنا الفطار 00 وإنت راجع عدي على الجزار وبتاع الخضار (( الشُكك قسم وسطي ياعالم !!))


الضاد :ضيعت شبابي في تربية الأولاد .. ياراجل شوف لنا خدامة تساعدني .. المسئولية كبيرة علىَّ(( لسه ابنها ماكملش سنة )


الطاء :طعمية وفول 00 طعمية وفول 00 إنت هتغير إمتى الوصفة بتاعت كل يوم دي 00 أنا زهقت (( الله يرحم أيام ماكنت بتشميها عند أبوكي ))


العين :عيوني إنت .. شفت الفستان اللي كانت لابساه زوجة أخوك .. كنت هتجنن عليه ..نفسي في واحد زيه (( زوجة أخويا دي أبوها صاحب عمارات وأطيان 00 جتنا نيله في حظنا العفش))


الفاء :فينك طول اليوم 0 أختي عدت علينا علشان هنسافر معاها السنة دي مرينا .. هنصيف معاهم السنة دي !!((آه يانا ياأمه .. مين مرينا دي ؟؟ ))


القاف :قدر ياراجل التعب اللي أنا فيه .. شغل البيت كله علىَّ .. ساعدني وإعمل زى كل الرجاله ((طول اليوم قاعدة قدام التليفزيون .. وسايبه البيت يضرب يقلب ))


الكاف : كام مرة أقول لك .. اشتري لي ترنك رياضي علشان يبقى شكلي حلو في ماتش التنس (( الله يرحم أيام ماكنتي بتلعبي الحوكشة بالبيجامة قدام دكان أبوكي .. عم على الحلاق ))

2 comments:

السينيور said...

الصراحة هي حلوة

طلباتهم مبتخلصش يا اوختشي

هههههههه

بس فين بقية الحروف

تحياتى

محظوظة said...

شاب مصري مفروس

طبعا لازم ما تخلصش

هو احنا شويا ياابنى ههههههه

سلاموزززززز